Neste espectáculo, Raúl Cano Cano, só sobre o escenario, dálle vida a diversos personaxes e situacións, utilizando un gran dispendio mímico, xeneroso dominio do corpo cun estilo propio e sempre acompañado dunha magnífica e precisa sonorización. O personaxe principal, un Super Axente Especial na súa derradeira misión, vese envolto nunha serie de situacións cómicas que beben do mellor humor cinematográfico, televisivo e do cómic. Agora embárcase na súa primeira película de acción teatral... Esperemos que non a cague!